१. छाउपडी

 उता कर्णालीका पहाडतिर

त्यसपर बिकट-सुगम बस्तीतिर

प्रतिनिधि पाटन, बैतडीतिर

अचम्म नमान्नू...

महिलाहरूमाथि

अन्धसँस्कारले, सँस्कृतिले...

देउताले नि पक्षपात गर्छन्,

समस्त मानव महिलाहरू

आज नि अन्याय भोग्छन्,

महिनावारी हुँदा...

ती देउताकै डरले मरणासन्न हुन्छन्,

छाउगोठ त भत्काउनु हुन्थ्यो...

बिसर्जन गर्न नमिल्ने रे घरको चर्पीमा

अनिष्टको त्रासले बिचरीहरू

गू-मूत जीउमै पचाउन सके हुन्थ्यो...

रातसाँझ पर्खेर बियाँलो गर्दै,

अँध्यारा पाखा-खोल्सामा

बिसर्जन गर्नुपर्ने रे,

देउताको डरले तिनीहरू

महिनैपिच्छे अन्याय सहन्छन्...

दोषी को? 

पुरुष, महिला कि देउता?

#अन्धविश्वास